第一天
2月9日(星期六)
東京
今次來日本,我們用的是UA Vacation的Package.機票加兩晚酒店,港紙四千幾.
始終覺得UA的時間係幾好,早機去晚機返,不過機艙當然無國泰咁舒服,真是一分錢一分貨.
下午時份到達東京成田國際空港.
我們Package住宿的是
新宿Listel Hotel.
落機後當然是乘坐至平
之選-京成電鐵往日暮里(¥1000),再轉JR山手線往新宿.
搵完酒店,就在新宿區(Shinjuku)行行走走,見識一下,食吓日本迴轉壽司,發覺平過香港,¥100一碟,港紙6蚊碟,一於盡情食番餐.
(當年去,匯率仲做緊$6對100Yen.真係好懷念這個時期.)之後再走走新宿電器街,有多間多層電器店舖.
食埋碗拉麵就返酒店了.
第二天
2月10日(星期日)
東京
今日第一件事要做的是去租車.我們之後去河口湖及宮城藏王的行程選擇了開車去.計算過,我們四個人租車費用平均分起來化算過坐JR.
我們到新宿的Avis租車,還車亦是選擇在新宿.租車注意事項:
首先,當然是你要有車牌.未去日本之前,要在運輸處申請國際駕駛執照.有效期一年,費用HK$80.即時申請即時取證.
租車的開支包括:
- 車租 (通常已包括保險)
- 汽油費用 (日本油價平過香港)
- 道路料金
跟住就是要尋找要行駛的路線資料及地圖.
通常首先在目的地的網頁(如酒店、滑雪場等)找尋駕車資料及路線. (日文アクセス就是Access頁面)
跟住再去日本道路公團找尋更詳細資料及道路料金(高速公路). 裡面的Highway Navigtor就幫到你手. 使用方法就是在右邊地圖上選取你出發的IC(即Inter-change)及到著IC, 按檢索後就會顯示可供選擇路線,相關料金及距離.
最後, 當然是你要在駕駛地圖裡找到這些公路在你所在城市中入口及出口的位置!
(租車公司通常有駕駛地圖,可叫他們影印相關的地圖作參考)
租完車,接著就搭JR去原宿(Harajuku)的竹下通見識吓.竹下通主要是潮流服裝集中地.
晚上就返回新宿一帶,有一條電器商店街,逛完就去左小田急百貨內的拉麵店醫肚.跟住就返左酒店喇.
唔好意思,在東京市區無影相.無照片可參考.可能始終覺得一些購物區,市中心區沒什麼特別,行過下就算.
第三天
2月11日(星期一)
富士山
一清早起來,就去租車公司取車準備離開東京,首站乃是富士五湖區.
富士五湖區, 故名思意,就是富士山加富士五湖的所在. 位處東京以西的山梨縣.我們此行目的,不是要看富士山的宏偉, 也不是觀賞富士五湖的靜恬, 而是專程來見識一下擁有兩座健力士世界紀錄過山車的富士急樂園 (Fuji-Q Highland).
這兩座曾經擁有健力士世界紀錄名銜(2002年時還是記錄保持者)的過山車分別是:
1. FUJIYAMA - 擁有最高落差(70米)及最高時速130公里的過山車.
2. DODONPA - 擁有最高速度(172公里)的過山車.入場票價: 任玩Free Pass ¥4500.
記住到富士急網站Download割引劵,Free Pass ¥4100.
唔買Pass,亦可逐樣俾錢.
首先講下由東京去富士急樂園的公共交通工具:
1. 鐵路
從新宿乘坐JR中央本線特急到JR大月駅. 再由大月駅轉乘富士急行線富士急ハイランド駅下車 (單程¥1350).
富士急Free Pass+往復特急劵(富士急行線) ¥5600; JR由東京至大月另計.
2. 巴士
東京駅八重洲口
東名高速巴士 (往復¥3200)
富士急Free Pass+往復巴士劵 ¥6700新宿駅西口
中央高速巴士 (單程¥1700)
富士急Free Pass+往復巴士劵 ¥6900
我們是開車去的, 由首都高速入中央自動車道,到大月I.C.経由, 在河口湖I.C.一出, 就見到一大座Fujiyama過山車喇.
Fujiyama 同Dodonpa 都係場內最熱門的遊戲,亦最多人排隊.我們每個都排左個幾鐘先玩度.
Fujiyama 全景 Fujiyama 列車
但講講玩這兩樣的體驗.
我們首先玩Fujiyama,絕叫程度100分,在兩分鐘的旅程中是沒有一秒冷場,一個刺激未完,另一個又接踵而來,總之你在這三分幾鐘就唔到氣.掂!
至於Dodonpa,帶來另一種刺激.開頭睇落都不是什麼特別,架車只在一條直軌道上射出.但唔玩都唔知當你係1.7秒內由靜止加速到172km/h,個心都真係有D離.仲有架車嘅包圍係好低,車身高度低過膝頭,總之就好似無野包住咁啦.尾段個90°直上直落已經係最唔刺激嘅部份.
我諗淨係呢兩樣已值回票價!
Dodonpa 真身 90°垂直路段
玩完之後,就行左園內的GUNDAM館,再玩多一兩個遊戲就天黑了.之後打算到驚慄鬼屋“慈急総合病院”(這個又是另一個熱點,極多人排隊),淨係睇到一座兩層高的破舊建築物外貌,都覺得有D料到.可惜去到門口,守門的說當天的籌已經派哂,註定無緣.早知去排左籌先玩其他遊戲.
入唔到総合病院,唯有離開,出去附近食事處醫肚.
這間是我們晚餐的食事處,是食烤肉放題.唔記得幾多錢,但不是太貴的.
醫完肚,就開車到河口湖一帶浸溫泉,亂打亂撞去左其中一間(都唔記得邊一間喇),但似係浴場多過係溫泉,總之就麻麻地.
之後就返回我們所住的民宿.我們住的民宿都無預先搵定, 開車開到邊就搵到邊.但這一間民宿就在富士急附近.
