第六天

2月14日(星期四)
宮城藏王>箱根湯本

 

一早起來,Framboisis嬸嬸依然為我們預備了豐富的早餐.
早餐過後就收拾細軟,開車南下返東京還車,再轉到下一站箱根湯本.

這就是我們所租的小車-Nissan March.背後就是Framboisis Pension.	離開宮城藏王,沿東北自動車道南下返東京.

返到東京,去返新宿Avis度還車.租左四日三夜,車租盛惠¥27000左右,除番起黎,4個人每人¥6800(淨係車租部份).

 

跟住係新宿乘坐小田急電鐵入箱根.小田急電鐵有兩種車往箱根(Hakone).

- Romance Car特急(ロマンスカー特急)可由新宿駅直接入到箱根湯本駅,不用轉車.

- 普通急行由新宿駅坐到小田原駅,在小田原駅對面月台再轉箱根登山線往箱根湯本駅.

 

我們所坐的是要轉車的急行線,因為平D.

依架就係小田急的 急行列車	依架就係箱根登山線的 登山小火車

到達箱根湯本駅之後,步行十數分鐘就到我們的溫泉酒店. 我們在箱根住宿的Pension Okada,是Hotel Okada的平價版.但都一樣可以使用湯之里溫泉.

Pension Okada在去之前最好在香港網上預約留房,因為都會幾Full.

去到擺低行裝,稍休一會便是晚餐時間.落到餐廳,當餐盤捧到上枱面,都有D驚訝,個餐盤勁大唔在講,裝食物嘅器具都有成十隻,每件器具上又有幾種食物,大大話話都有二三十種唔同嘅食物係你面前.開始食個時都唔知由邊度食起先好,真係花多眼亂.都是第一次食這樣豐富的和食.

	這個就是我們 豐富的晚餐

 

食完晚餐,稍一會就過去浸溫泉.湯之里溫泉並不算大,但都OK.總算是第一次泡日本的露天風呂.

 

 

第七天

2月15日(星期五)
箱根

 

一早起來第一件事就係去浸多一次露天風呂.之後就落去食早餐.諗住食下多士、煎蛋呢D例牌菜,點不知.....

	連早餐都有十幾樣野食, 問你死未?

這個Pension Okada的留宿,真係滿足到極點呀!

Check-out之後,我們就遊覽一下箱根.

我們出返去箱根湯本駅,買了天下之券(¥2000),包全山交通(電車和巴士).

另外小田急電鐵有其他種類的Pass,包括有含來回新宿的套票.

本來想去小王子館,但咁啱miss左班登山巴士,唯有坐箱根登山火車上山.

我們上山坐的是 一架較新的卡車	天下之券

 

上到登山電車總站-強羅,沒有什麼特別.之後再坐纜車上到山頂.但我們的天下之券並不包含吊車,所以行左兩行就落返強羅.

登山電車總站-強羅	等我親自駕駛 纜車上山頂啦!

強羅無什麼特別地方好行,隨即坐返電車落山,早些出返東京.

 

	我們乘坐 ロマンスカー特急 直接出返新宿

 

出到新宿,諗住搵旅館,點知搵左好多間都爆棚.最後結果去左一間¥3000一晚的Capsule Hotel.第一次瞓棺材旅館,都總算有個瓦摭頭,唔洗瞓街咁啦.不過瞓瞓下又幾好瞓喎!

 

 

第八天

2月16日(星期六)
東京

 

最後一日,就抓緊時間,集中在上野Shopping.

 

四點多在上野坐京成電鐵的Skyliner(¥1920)直接往成田空港.點不知原來Skyliner唔係好似香港機鐵D班次咁密,大半個鐘先一班.飛機起飛前30分鐘我們先去到成田,幾驚上唔到機.不過好彩航空公司都通融,順利上到機.

	京成電鐵的Skyliner

 

八天的旅程就這樣就告一段落了.....