DAY 1

7月14日 (星期四)
香港>名古屋(Nagoya)

 

今次旅程名為激玩畿海,故名思義,就係要玩得激,玩得盡.所以一開始在航機安排上,已經要攞到盡,凌晨機去晚機返.

我們的國泰Package可以俾我們選擇唔同地點回程.我們就安排左名古屋入,大阪走,唔洗走回頭路.

至於去程,我們選擇左唯一一班在凌晨時份起飛前往日本的航機,亦是香港國際機場每日最後一班起飛的航機 - CX2056 凌晨3:30由香港起飛前往名古屋中部國際空港,並於早上8:25到達名古屋.

 

我們凌晨1:00到達香港國際機場,之後便在候機室等到凌晨2:50左右,由接駁巴士接載到貨運區上機. (其實CX2056是一班貨機,只有一少部份機位撥作客運用途)

凌晨3:30 CX2056準時開行, 從機窗外望的機場貨運區	早上8:30到達在2月剛開幕的 名古屋中部國際空港	我們首三日會使用 通行南海,近鐵及名鐵的 3.3.SUN Free Pass(¥5,000)

 

中部國際空港的 空港線由名古屋鐵道 獨市經營	前往我們的首站歧阜市, 需要在神宮前駅轉車	正直萬博舉行期間, 名古屋市的住宿都幾Full, 最終我們選擇了入住歧阜市 東橫INN,雙人房¥8,190

*歧阜市為歧阜縣首府,乘鐵道前往名古屋需時約20分鐘,單程¥540.

 

在酒店放下行李, 稍為梳洗休息一番後 就在車站附近搵野食喇	去左呢間地下食店, 地方小小,但幾別緻	第一餐 魚生定食¥790

 

醫完肚就即刻出動,前往我們的首站 - 愛知縣豐田市.
豐田市有什麼特別? 豐田市就係著名的TOYOTA集團總部坐落的地方.係豐田市除左有TOYOTA總部之外,仲有幾個TOYOTA的展覽設施,而我們將會到豐田會館參觀.

由歧阜前往豐田市, 乘坐名鐵需時大約一小時, 要在知立駅轉乘三河線	在豐田市駅下車	在豐田市駅再轉20分鐘巴士 在TOYOTA本社前下車

 

一落巴士就會見到 TOYOTA集團全球的總部	在TOYOTA本社隔離 就係豐田會館	豐田會館入口 入館無料

 

豐田會館的接待處. 咁究竟豐田會館有什麼睇呢?	就係介紹TOYOTA 最新的汽車技術	混合燃料引擎(Hybrid)的展示 演示此技術的原理

 

仲有TOYOTA的概念車	呢部係行得走得的概念車, 呢架車就係於愛知萬博 TOYOTA館內表演的那一部 I-Unit	剛好碰著Partner Robot 的演奏表演時間,Partner Robot亦會於愛知萬博 TOYOTA館內表演

 

跟住就係汽車展館	當中以呢部最型仔

豐田會館除左以上參觀設施,佢仲有一個兩小時的工場見學.亦係無料,但需要事先在網上報名.

參觀完豐田會館,就起程往下一站 - 犬山市,而犬山市是擁有日本四大名城之一的犬山城.

乘名鐵,在犬山遊園駅下車. 但去到已經開始天黑了	去到犬山城,已經關了門, 只有在外面看看而且. 望落犬山城規模較為細	犬山城睇唔到,但意外地在 犬山城河邊碰到鵜飼

係呢度要講一講鵜飼(うかい).在策劃行程時,發覺無論係名古屋市抑或歧阜市,本身都無什麼特別景點.唯一較為特別D的就是歧阜長良川的鵜飼.鵜飼是這一帶古老的捕魚方法,鵜匠是用隻鵜來捉魚.夏季在歧阜市的長良川,犬山市的木曾川,晚上都有鵜飼表演睇.

但睇一睇呢個節目,一個人就要成三千幾YEN,只係包乘船料金.條船就載你出條河度遊下船河,睇下D雀仔捉魚.一個多小時幾千YEN,似乎太貴了,最終我們就決定唔去睇鵜飼.
但好意外地,居然係犬山市期間見到鵜飼的船隊.佢地仲在好近岸邊的地方演示鵜飼,於是我地就係岸上面近距離睇到鵜飼表演喇,咁就慳返幾千YEN.

 

睇完免費節目,當然係時間醫肚啦.我地就出返名古屋市, 係車站附近呢間食店晚餐	叫左呢個蝦天婦羅喬麥冷麵 ¥790,抵食到震,仲要好好味!

食飽飽就返歧阜東橫INN休息喇.