DAY 5

7月18日 (星期一)
大阪>南紀白濱(Shirahama)

 

過往幾天都是在人頭湧湧的大城市穿梭,今天,我們終於離開人迫迫的大城市,啟程前往位於和歌山南部的海濱市鎮 - 白濱.有時,白濱有時亦會稱為南紀白濱,就是因為其位於紀州(和歌山縣)的南部.

前往白濱,有兩個主要目的:
1.見識一下日本三大古湯之一:崎の湯.崎の湯是一個位於海邊的溫泉.
2.白濱另一出名的是當中的白良濱海水浴場(即係沙灘).我們將會到白良濱游水!

在大阪,我們又一早起身,收拾包袱前往白濱.

早上就離開大阪	由於不用轉車,我們選擇乘坐巴士前往白濱,單程¥2,700	大阪至白濱巴士路線 由JR及明光巴士營運

想找尋南紀白濱更多觀光資料,可到白濱觀光協會網頁瀏覽.

 

經過大約3小時車程, 終於到達白濱,一落車, 就覺得白濱好有渡假Feel	第一件事就係去所住的民宿 アイドル(Aidoru)放低行李, 這間民宿好近巴士總站	之後就在附近先行午餐 牛丼Set¥750

我們會在南紀白濱三日兩夜,時間充足.第一日先遊覽白濱一些景點.

 

第一個景點:千畳敷 因距離不太遠我們選擇 步行前往,又當散下步, 沿途無敵海景	經過白濱海中展望塔	又經過白濱溫泉公園

 

終於到達千畳敷 無敵海景岩石群	千畳敷另一邊	晴空

去完千畳敷,我們會去白濱另一邊的丹月島.由千畳敷到丹月島,我們選擇坐巴士前往.

坐巴士,話咁快就來到 白濱另一著名景點丹月島	之後我們又呂散步返市中心 沿路都是沿海馬路	沿海小村

 

沿路感覺很舒服	返到市中心就去 超級市場買野食	我們在民宿食完野, 就去浸白良湯¥300 而白良湯位於沙灘旁, 擁有全海景

 

浸完溫泉,返到民宿, 就數數我們的戰利品...	當中有來自博多的 巨峰提子¥780.可能未當造, 皮有少少澀,但都係好好食	仲有係唔知點解我地三個人 有咁多對鞋?!

 

 

 

DAY 6

7月19日 (星期二)
南紀白濱

 

今日Full Day係白濱,行程異常的豐富.事後回想起都覺得一天裡做左咁多野都係幾緊湊,但係又幾Enjoy喎!

今早七時多起身, 早餐後,就步行到日本 三大古湯之一崎の湯浸溫泉	崎の湯更衣室較為簡單, 裡頭沒有獨立沖身設施, 但溫泉外則有水喉沖身	崎の湯有什麼咁巴閉, 睇下呢個環迴海景溫泉景就知 仲要只係¥300,你話抵唔抵!

 

Wider View	除了左圖的外湯, 埋邊仲有一個內湯, 泉水溫度較熱	行きましょう！

 

這個就係白濱溫泉 其中一個泉眼	浸完崎の湯,就步行 返去民宿換換行裝. 沿途繼續享受藍天碧海	途經另一溫泉 牟婁の湯

咁浸完溫泉有什麼好做呢?
......就係去食海鮮喇!

我們坐巴士往とれとれ市場 (Tore-Tore市場)	とれとれ市場裡面售賣 各式各樣海鮮,刺身	我們的海鮮午餐 我食的是左下角的海鮮冷麵 ¥800左右,勁正!

咁食完海鮮有什麼好做呢?
......就係去沙灘游水喇!
聽人去日本,通常都係買野,食野,浸下溫泉,滑雪呀咁,較為少聽到有人會去日本游水.
今次我們一於在這個白良濱海水浴場游水晒太陽,正!

未到沙灘,先經過昨晚去過的 白良湯	去到白良濱海水浴場喇	沙灘、樹影

 

白良濱沙灘	沙灘有呢D稻草太陽傘, 好有Feel	有D泰國Feel..

 

係沙灘發現日本女仔大部份都係穿著三點式的!	享受日光浴的一個下午

享受完一個陽光下午之後,晚上我們到白濱銀座通晚餐.銀座通都係在沙灘附近.

好有特式的白濱銀座通	右邊的就係足湯橫丁	足湯橫丁

 

另一角度	足湯餐廳 一邊浸脚湯一邊食野	足湯橫丁除左足湯, 仲有一個手湯

 

我們今晚食炭火串燒	串燒即叫即燒	串燒¥1000一打 勁好食!

食完飯都差唔多喇掛?
.....仲未完,最後一個節目係去沙灘放煙花.
白良濱沙灘係可以放煙花的,真係估唔到係日本可以放煙花!

放煙花	再放	繼續放

今日真係玩得好盡,做左好多野,十二分豐富.
今晚係在南紀白濱最尾一晚,明早一早就離開白濱,前往下一站北山村.

呢兩日係白濱非常滿足,發覺白濱係一個非常值得去的渡假地方,非常Relax.你係白濱有好多唔同的節目可以做....浸溫泉,睇景點,食海鮮,游水,哂太陽,燒煙花....南紀白濱都集於一身!