出發前

 

今次山形藏王滑雪團是由一班香港滑雪愛好者籌劃的.全團80多人.日期為2005年1月30日至2月5日.

大隊於1月30日到達日本.而我會早兩日(即1月28日)先行到達日本東京.以下為早到這兩天的遊歷.

今次所搭乘的是港龍航空(KA).早在2004年9月透過Zuji.com訂票,17天有效期機票價錢(連稅)為HK$3,080.透過Zuji訂票有個好處:就係有Asiamiles賺 - 首先訂票先有500 miles,而張機票屬Discounted Economy Class,即係話坐個時仲會有50% Mileage儲,來回東京可得1,842 miles.(Priceline出的機票就不會有任何Mileage)

 

1月28日(星期五)

首先要講吓出發果日一件又驚又喜的事件.我1月28日早上大約8:50到達香港國際機場,手上機票所顯示的起飛時間為早上9:40.一心諗住早到50分鐘應該無問題.一去到港龍柜位發覺有些不對路,成排柜位一個人都無.跟住柜位地勤人員說班機是9:20分起飛,而不是9:40分,而登機手續亦停止辦理.當時我心裡一寒: "唔係吓嗎...."

這是因為港龍往東京的班期更改了,而我幾個月前出的機票仍是印著舊的起飛時間.好彩地勤人員幫我打左幾個電話.終於都安排到我上機.於是我背揹著我70L的大背囊,由地勤人員帶領闖過關.及時上到機.真是大驚一場.

上到機,又大喜一場.原來我的平價經濟客位被Upgrade到商務客位!而港龍的商務客位都分兩種: 一種是正常的商務客位座位,另一種是頭等座位的商務客位(這兩種位只是座位不同,所提供的服務是一樣的).而我是被安排入座頭等級的商務客位!

 

唔講咁多,不如先睇睇我嘅頭等級商務客位:

	這就是港龍頭等級商務客位. 座位寬敞,手柄旁有控制板,可分別控制座椅的椅背,座位及腳踏的高低前後位置.當調校到最盡位置時,成個座位就像右圖一樣,成個人可以瞓哂係度. 你話爽唔爽? 仲有係未起飛前,空姐會問: "黃生,你想先要些什麼飲品?"

除左座位,第二樣嘢就係要講下商務客位嘅飛機餐:

首先係頭盤,蟹肉沙律, 壽司帶子小品	跟住係主菜,我揀左 我最鍾意的鰻魚飯	最後有大大杯Haagen-Dazs雪糕,鮮果盤同Pacific Coffee

就係咁嘆吓嘆吓就去到東京喇!
下午2:00東京成田空港到著.

 

在東京將住宿在淺草民宿. 在機場當然選擇最平的 京城電鐵出東京.	京城電鐵售票處. 特急由成田空港到淺草 ¥1,060,要在中途站轉車

 

從淺草駅行5分鐘就到達 淺草民宿Khaosan Tokyo.	這就是我住宿的下格床位. ¥2000一晚,仲有河景睇!	客房外的露台

推介:Khaosan Tokyo - 最平東京住宿¥2000一晚.
(Khaosan其實是泰國曼谷市的一個區,曼谷Khaosan區出名是平價Back-packer住宿的集中地,我就曾經在曼谷Khaosan區以港幣$50住宿了一晚)

Khaosan Tokyo頗多西方人住,另有免費上網服務.

Khaosan Tokyo的天台	之後去附近淺草寺參觀. 從民宿行5分鐘即到. 此為淺草寺外的雷門.	淺草寺

 

淺草寺	之後再去秋葉原行吓. 秋葉原街邊小食 墨魚燒(¥340)

 

 

1月29日(星期六)

早上在淺草逛了一圈. 雷門日景	之後去左御茶之水購物. 詳情請參閱裝備編

晚餐回淺草食全品¥105迴轉壽司(營業至晚上11點).